House for rent, 33 შატბერაშვილის ქუჩა ვაკე, in Tbilisi, Georgia

ზემო ვაკეში მდებარე საცხოვრებელი სახლი საუკეთესო შეთავაზებაა მათთვის, ვისაც ცხოვრების მაღალ სტანდარტზე აქვს მოთხოვნა. 851 კვ.მ. შენობას საინტერესო არქიტექტურული გეგმარება აქვს. რელიეფზე მორგებული პროექტი ნახევარსართულებზეა გადანაწილებული და შიდა ერთიან, კომფორტულ გარემოს ქმნის. სახლს ორი შესასვლელი აქვს: ერთი - სამ მანქანაზე გათვლილი დახურული პარკინგიდან, საიდანაც დიდ სამზარეულო-სასადილო სივრცეში ვხვდებით და მეორე - ეზოდან, საიდანაც სადარბაზო შესასვლელშია მოხვედრა შესაძლებელი. ეს სართული ასევე მოიცავს სანკვანძს, სამრეცხაოსა და საკუჭნაო ოთახებს. მეორე დონეზე დიდი ტერასა, სასტუმრო ოთახი, სამზარეულო და კიბის უჯრედია. შემდეგ დონეზე დაგეგმარებულია დიდი კაბინეტი და ორი მასტერის ტიპის საძინებელი., რომელთაგან ერთ-ერთი საძინებელი აივნითაა. შემდეგი დონე სასტუმრო საძინებლს და სანკვანძს მოიცავს. შემდეგ დონეზე დიდი აპარტამენტია სააბაზანო ოთახითა და დიდი საგარდერობე ოთახით. შენობის ბოლო სართულზე ზამთრის ბაღია, რომელიც ახლა სტუდიო სახელოსნოა. გარდა ქალაქის კომუნიკაციებისა სახლს აქვს ავტონომიური გენერატორი, არტეზიული ჭა, დაცვის თანამედროვე სისტემები, გარე თვალთვალის კამერები. ასევე სახლის კედლები განსაკუთრებული, სპეციალური ხმის იზოლაციით გამოირჩევა.